Minggu, 16 Oktober 2022

Sejarah HKBP Hatoguan

Sejarah HKBP Hatoguan


A. Ruas Naparjolo HKBP Hatoguan

Dibagasan haholomon dohot hagolapon dope hajolmaon, tagan so ro dope Barita Nauli tu luat on (Negeri Hatoguan). Boi dohonon, angka sipelebegu dope sude masyarakat, namarsomba tu ganaganaan, marsomba tu angka na maringanan di ladang jala mabiar tu begu. Diparhatutu roha nasida do hagogoon ni begu dohot angka namardomu tusi dope.

Huhut tahe marsomba tu sahalani ompu (sumangot), mangido pasupasu hagabeon, hamoraon dohot hahipason. Porsea situtu dope rohana  tu angka parbinotoan ni portibi. Isarani hadatuon, pangulpuhon dohot lan angka na asing  dope na suman tusi.

Tung mansai ragat dope ditingki i hubunamasihubuan huta tu huta, luat tu luat, marga tu marga, jala sahat namarsibuharan. Gabe adong ma halak na tartaban, dibahen ma i muse gabe hatoban. Tubu ma muse namasihosoman jala masilatean, ujung na sahat ma muse tu na masidabuan aji. Tung mansai ragam jala rarat ma hagaoron dohot haholomon i ditongatongani hajolmaon di hatiha i.

Andorang so haru sahat dope Barita Nauli manang Hata ni Debata, jumpang ma songon hata ni Panurirang Jesaya na mandok: “Haholomon do manghuphupi tano on jala hagolapon angka bangso” (Panurirang Jesaya 60:20).

Na tuani ma ro Barita Nauli i mamboan jolma i tu haluaon / hatiuron. Malua ma na tarbeang dohot halak na nirupa dohot na suman tusi. Ndang manontong haholomon (hagolapon) i mangalinggomi hajolmaon i.

Didok natuatua na di Hatoguan on, di Batu Hoda, Janji Maria Sitoras Lumban Dolok (Gambar 2) do jumolo jongjong Huria on sian taon 1920 – 1922. Ro ma Tuan Puch sahalak Jerman, taon 1920 tu luat Hatoguan. Marsinondang ma Goar ni Debata marhitehite Barita Nauli na pinasahatna. Mangula ma Tuan Puch, didapothon ma angka raja ni luat, asa ummura sahat Barita Nauli tu tongatonga ni hajolmaon i (masyarakat). Na boi jumolo ditogutogu Tuan Puch maninggalhon hasipelebeguon i ma nasida :

  • Amanta Op. Barita Sinaga  / na mangalap boru Sihombing
  • Kepala Kampung Julianus Sinaga  / na mangalap boru Nadeak
  • Op. Esman Sinaga  / na mangalap boru Siringoringo.

Amanta Raja Hatoguan, Stn Maharaja Op. Solindungon Sinaga (Gambar 1) ma dongan ni Tuan Puch mamaritahon Hata ni Tuhanta di luat Hatoguan, asa marhite i olo masyarakat i manjalo Barita Nauli i.

Gambar 1. Amanta Raja Hatoguan, Stn. Maharaja Op. Solindungon Sinaga na mangalap boru Simbolon dohot boru Siringoringo.


Gambar 2.  Inganan hajongjongan ni Gareja HKBP Hatoguan naparjolo di Batu Hoda, Janji Maria Sitoras Lumban Dolok di Desa Hatoguan, Kec. Palipi, Kab. Samosir. (Isi foto ima ruas HKBP Hatoguan Lunggu Lumban Dolok Sitoras, tahun 2012).



Disi ma dibahen Amanta Raja Hatoguan sada kesempatan na denggan, diuluhon nasida ma masyarakat i pajongjonghon sada gareja nametmet na martarup ri  di taon 1922. Dipajongjong nasida ma gareja i mandompakhon hasundutan, laho pasidinghon sada inganan na margoar Tanjungan na pitu na dirajumi roha nasida sada inganan parsombaonan. Sian i boi botoon na hurang hot dope haporseaon nasida maradophon Debata jala sai tong dope lohot roha hasipelebeguon.

Di ari 17 Desember 1922 ma parjolo ulaon Sakramen na badia (pandidion) tarpatupa di Huria HKBP Hatoguan, i ma na hinobasan ni Pdt. Rekkut  dohot angka Parhalado (St. C. Sihombing, St. Mahidin Siringoringo dohot St. Ferdinand Sihombing). 

Angka on ma goargoar ni 51 (lima pulu sada) halak  na tardidi dihatiha i:   

  1. Stn. Maharadja Solindoengon Sinaga
  2. Poernama br. Siringoringo
  3. Hadrianus Sinaga
  4. Karolina br. Sinaga
  5. Emmelia br. Sinaga
  6. Johanna br. Sinaga
  7. Absalom Sinoerat
  8. Artina br. Siringoringo
  9. Tarianna br. Siregar
  10. Roemendang br. Sinoerat
  11. Dina br. Sinaga
  12. Rebeka br. Simbolon
  13. Petrus Sinaga
  14. Wismar Sinaga
  15. Pinonda br. Sinaga
  16. Balandina br. Sinaga
  17. Arsenius Sihombing
  18. Mait br. Sinaga
  19. Water Sihombing
  20. Andreas Nainggolan
  21. Darianna br. Sinaga
  22. Emma br. Sinoerat
  23. Hanna br. Sinoerat
  24. Juda Sinoerat
  25. Bonifacius Sinaga
  26. Justin Sinaga
  27. Gidion Nainggolan
  28. Tiomin br. Sinaga
  29. Jalongos Sinaga
  30. Heni br. Sinaga
  31. Mula Situmorang
  32. Sopia br. Sinaga
  33. Regina br. Sinaga
  34. Kornelius Sinaga
  35. Iskander Sinaga
  36. Julianus Sinaga
  37. Cyrus Sinaga
  38. Nantahalan br. Simbolon
  39. Roemani br. Sinaga
  40. Kilian Sinaga
  41. Marthalena br. Sitohang
  42. Josua Sihombing
  43. Elisabeth br. Sihombing
  44. Salome br. Nainggolan
  45. Jakob Sinoerat
  46. Mina br. Sinoerat
  47. Markus Sinoerat
  48. Jani br. Sinoerat
  49. Julius Sinaga
  50. Alexander Sinaga
  51. Ferdinand Sihombing

(Angka goar on, di buat sian Buku Register na adong di Ressort Palipi Mogang.


Laos ari 17 Desember 1922 on ma ari hajongjongon dohot ari hatutubu ni Huria HKBP Hatoguan.


B. Pargodungan Na Parjolo

Tano hajongjongan / haojahan ni HKBP Hatoguan, si lehonlehon do i tu Huria sian marga Sinaga dohot Sitohang. Ukuran ni tano Huria sude ganjangna 157 meter; bolakna 115 meter (18.055 m2), jala nunga termasuk dohot pargodungan. Dung tu leleng na mardalan ulaon Barita Nauli lam tu tambana ma dohot toropni ruas ni Huria i. Di taon 1924 – 1926 dipature / direnovasi ma gereja tarup ri mambaen gabe tarup seng, lante papan dohot ukuran 7 x 17 meter2

Dung sidung dipature, dipangke ma gareja i gabe inganan ni parsikolaan Zending, mamungka sian taon 1925 sahat tu taon 1935. Dung martutup singkola Zending, dibuka ma muse parsingkolaan HIS i ma taon 1936 – 1939. Marhitehon parsingkolaan na dua bagian i tu tambana ma parbinotoan ni masyarakat, tamba ma hamajuon, adong ma nang na marpangkat, jala lam tu patarna ma basabasa ni Debata tu luat nang tu Huria i. Asa jumpang nidok ni na tarsurat i, “Biar mida Jahowa do parmulaan ni hapistaran dohot parbinotoan”. (Poda 1: 7a).

Di taon 1940 martutup ma parsingkolaan HIS ala so piga be parsingkola jala mardomu tuk ma tu hamamasa ni porang maralohon Japang. Taon 1942 dibahen pamarenta ma muse parsingkolaan na margoar SR III na niuluhon ni Amanta Gr. J. Simbolon, huhut laos gabe Guru Huria. Tong do di tano Hatoguan inganan marsiajar. Taon 1944 pinda do Gr. J. Simbolon tu Nainggolan Evangelist, jala diganti Amanta Gr. F. M. Situmorang ma nasida laos nasida do tong songon na gabe Guru Huria di HKBP Hatoguan.

Taon 1951, dipajongjong pamarenta ma parsingkolaan di tano ni Huria HKBP Hatoguan (Hak Pakai). Dung di taon 1952 ndang gabe gareja i be inganan marsiajar. Nunga tu parsingkolaan na binangun ni pamarenta i be marsingkola. Ia tano hajongjongan ni parsingkolaan ganjangna 50 meter; bolak 107 meter. Di taon 1975 dipajongjong pamarenta ma muse sada nari parsikolaan di lambung ni SD Negeri na parjolo, i ma SD INPRES (saonari digoari SD Negri No. 174593 Hatoguan) na di lehon sian tano huria dohot ukuran  50 m x 58 m (2.900 m2)

Tongtong do angka Parhalado ni Huria mangula tu angka na so mananda Barita Nauli, mambahen panorangion, dohot panogunoguon. Isarani sipelebegu dohot angka naso marugamo. Angka on ma hinombaran ni Parhalado marhitehite na mambahen Zelsorge dohot  Evangelisasi tu hutahuta. Lam tu tambana ma bilangbilang ni ruas ni Tuhan i ditongatonga ni Huria i.

Hehe ma muse agama Rom Katholik di Lobutua, dohot sekte Pentakosta di Lumban Sinaga. Alani i, moru do ruas ni Huria on, ala ruas ni on do angka na laho tu na baru hehe i. Penduduk Desa Lumban Sihombing 99% gabe ruas ni Rom Katholik Palipi.

Gambar 3. Gereja HKBP Hatoguan tahun 1957

Dung di taon 1956 diuduti do muse mambangun gareja i, ima mambahen lante simin huhut patimbo palaspalas ni gareja i, nakinarejoan ni ruas secara gotong-royong na niuluhon ni pande / tukang i ma nasida :

  1. Op. Alpine Sinaga (tukang batu)
  2. A. Gitar Sinaga
  3. Op. Jayakin Sitohang
  4. A. Rolan Siringoringo
  5. A. Jahua Sitinjak
  6. A. Epe Siringoringo (gelar: Jaborong)


C. Parhalado Na Hea Mangula

  1. Pdt. F. Sihombing
  2. Pdt. Silitonga
  3. Pdt. Hutagalung
  4. Pdt. B. Hutauruk
  5. Pdt. B. H. Lumban Raja
  6. Pdt. J. P. Situmorang
  7. Pdt. M.J. Siburian
  8. Pdt. O. H. Hutabarat
  9. Pdt. S. B. Tambunan
  10. Pdt.  Bonar Nababan
  11. Pdt. P. T. Manullang
  12. Pdt. K. Tumanggor
  13. Pdt. TRJ. Sinaga
  14. Pdt. M. Sihombing
  15. Pdt. Santi F. Aritonang, M.Div
  16. Pdt. Richard M. Hutasoit (sahat tu saonari)

Goar ni angka Guru Huria naung mangula di Huria Hatoguan :

  1. Kristian Tampubolon
  2. Domisius Sihombing
  3. Paulus Sinaga
  4. Laurentius Sinaga
  5. Elkana Baringbing
  6. Usia Hutahaean
  7. Johan Sihombing
  8. Jeremias Parhusip
  9. Ephraim Siringo-ringo
  10. Daram Sitohang
  11. Fridolin Lumban Tungkup
  12. Jairus Simbolon
  13. Arcinius Simbolon
  14. Farel M Situmorang
  15. Jainar Siringoringo
  16. Marungkil Sitinjak
  17. Berin Sinaga
  18. Drs. Bilson Sitohang, MM
  19. Bastian Nadeak 

Goar-goar ni kerkerat na parjolo :

  1. Josua Sihombing
  2. Jakob Sinurat
  3. Ferdinand Sihombing
  4. Kornelius Sihombing
  5. Mahadim Siringoringo
  6. Herman Siringoringo
  7. Henok Siringoringo
  8. Bayung Sinaga
  9. Jamaruli Sinaga
  10. Jurahim Sinurat
  11. Iskander Sinaga
  12. Iskander Sihombing
  13. Johanis Sinaga
  14. Bonar Sinaga

Goar-goar ni Sintua dohot calon Sintua naung mangula dohot na sedang mangula di Huria Hatoguan:

St.Apon Sinaga, 
St.Williater Sinaga,
St.Mangattar Sitohang
St.Teresia br Simbolon
St.Keseria br Sihombing
St.Tiara br Sinaga
St.Barita Sinaga
St.Jo Ramli Siringoringo
St.Ronal Panjaitan
St.Prancis Sinaga
St. Kiston Sinaga
St.Putra Jungjungan Rajagukguk
St.Sartono Tamba
Cst.Baringin Sinaga
Cst.Sumber Siringoringo
Cst.Solhotman Sinurat
Cst.Derpailon Sinaga
Cst.Hendra Sipapaga
Cst.Rudi Anto Sinaga
Cst.Monang Sinaga
Cst.Alida Sinurat
Cst.Lenrayati Lbn.Toruan
Cst.Juita Sinurat

D. Perkembangan Godung Gereja

Dung lam tu sada na roha ni ruas ni huria i, taon 1970 diuduti ma muse laho padimposhon pembangunan ni gareja i, dibahen ma gareja i satonga beton (Gambar 4). Ditambai ma bentuk silang di pudi ni gareja i. Tingki ni Amanta Gr. F. M. Situmorang do Guru Huria, jala Ketua Pembangunan hatiha i, ima Amanta J.M. Sinaga. Dipapungu ma dana sian sude ruas na matua dohot naung mahatindangkon haporseaon Rp. 10,-/minggu atas usul ni sahalak parhalado, i ma St. Bonar Sinaga.

Ditaon ari 24 Maret 1978 manjalo sumbangan do Huria on, i ma marhite sada Organ merk Yamaha sian Amanta Dr. Tumpak M. Sinaga na sian Samarinda (Kalimantan Timur) dohot marhite sumbangan hepeng dope. Di ari 4 Januari 1981, monding ma Amanta Gr Huria F. M. Situmorang, laos Amanta St. J. Siringoringo ma muse mangganti nasida na gabe Guru Huria.

Di ari 03 Pebruari 1982 tong diuduti muse laho pasingkophon pembangunan ni gareja sian dos ni roha ni sude ruas dohot himbauan ni Amanta Ds. O. H Hutabarat ditingki nasida na gabe Pandita HKBP Ressort Palipi. Dipangido nasida ma asa adong perhatian ni anak pangaranto ni Huria. Ungkap ma roha ni Amanta  C. Sinaga, da hatiha i, nasida manjabat Ketua DPRD TK. II Tapanuli Utara rap dohot anakhon nasida. Dilehon ma sumbangan laho pembangunan gereja i marhite batubata dohot simin.

Diuduti do muse manambai palaspalas ni gareja, balkon, asbes dohot mambahen lantai keramik. 



Di Parningotan Jubileum 125 Taon HKBP taon 1986 dibahen ma sada monumental manang parningotan ima pagar kawat duri dohot pintu gerbang (Gambar 5).

Di taon 1993, ditambai do muse bangunan ni Huria on ima bilut parhobasan dohot 2 (dua) pintu kamar mandi, atas gotong royong ni Punguan Koor Ama. (Gambar 6)

Gambar 6. Bilut Parhobasan na imbaru na dibangun taon 2009. Dana tu pembangunan Bilut Parhobasan on, disumbanghon anak ni ruas na di pangarantoan

Sihamauliatehonon do ala torop do anak ni ruas na di pangarantoan na ungkap rohana paihutihut perkembangan ni Huria on, i ma na mangalehon sumbangan moral tarlumobi ma sumbangan materi. Di taon 2008 dipatupa ma sada bagas huria  na marukuran 8 m x 12 m dohot dapur na 4 m x 8 m (Gambar 7). Jala diresmihon ma bagas huria on di ari 07 Desember 2008 na niuluhon ni Praeses HKBP Distrik VII Samosir, i ma Amanta Pdt. Rafles Lumbanraja, STh.

Gambar 7. Bagas Huria na diresmihon Praeses Distrik VII Samosir (Pdt. Rafles Lumbanraja, STh.) di ari 07 Desember 2008. Dana tu pembangunan bagas Huria on, disumbanghon anak ni ruas na di pangarantoan.





Taon 2011 ima sada taon parolopolopon di HKBP, i ma na manghalashon naung 150 taon dung sahat Barita Nauli tu Tano Batak jala digoari ma i Jubileum 150 Taon. Dipatupa Huria on do pesta Jubileum 150 Taon HKBP huhut Pesta Ulang Tahun HKBP Hatoguan ke-89 na di ari 29 Mei 2011 (Gambar 9). Jala na gabe tarsongon siingoton manang monumental sian Pesta i, dipatupa Huria on do manorushon pagar keliling pargodungan sian beton dohot pagar besi ganjangna 264 meter. Biaya pembangunan on tong do sian ungkap ni roha ni anak pangaranto dohot na dilehon ni Pemerintah Kabupaten Samosir godangna Rp. 15.000.000,- (sampulu lima juta rupiah), i ma tarsongon sipalas roha di siala tano na nilehon ni Huria na laho pembangunan gedung SMA Negeri 1 Palipi. Pola do sahat tu 2 (dua) hali Huria mangalehon tano tu Pemerintah Kabupaten Samosir, i ma : Naparjolo, ari 11 September 2006 ; ukuran 104 m x 50 m. Napaduahon, ari 13 Juni 2011 ; ukuran 50 m x 49 m. Di tingki na mambangun pagar on dipatupa Huria do tukar guling tano Huria dohot tano ni Kel. Op. Jayakin Sitohang, na martujuan asa lam tu dengganna letak geografis ni tano Huria on.



Taon 2014, diputusson rapot huria ma porlu pengembangan luas gareja ala nunga lam martamba-tamba ruas. Sihamauliatehonon do ala torop do anak ni ruas na di pangarantoan na ungkap rohana paihutihut perkembangan ni Huria on, i ma na mangalehon sumbangan moral tarlumobi ma sumbangan materi.  

Di ari 2 Februari 2015 dimulai ma muse penambahan daya tampung jemaat ima lebar sian 7 meter gabe 13 meter dohot ganjang sian 20 meter gabe 24 meter, bentuk salib panjang 18 meter gabe 23 meter (Gambar 10). Dana tu pengembangan bagas Huria on, disumbanghon anak ni ruas na di pangarantoan, toktok ripe sian ruas HKBP Hatoguan, bantuan sian Pemerintah Kabupaten Samosir.  

Goar-goar ni uluan ni Panitia Pembangunan Gereja HKBP Hatoguan taon 2015 ima Ketua Umum (Guru Huria) - St. Drs. Bilson Sitohang, MM, Ketua I - St. Berin Sinaga, Ketua II - Sihar Sihombing, Sekretaris I - M. Dedy P. Sinaga, ST, MM, Sekretaris II - St. Bastian Nadeak, dohot Bendahara - Pangihutan Marbun, S.Pd.

 

Gambar 10. Pengembangan Gereja HKBP Hatoguan taon 2015


E. Perkembangan Ruas

Ditaon 1966 – 1968 na masa do Pargolahan di tongatonga huria on, i ma antara ni parhalado tu parhalado dohot ruas tu ruas. Tongon Pdt. B. H. Lumbanraja dope Pandita HKBP Ressort Palipi di hatiha i. Tuani ma hatop ro angka anak ni ruas ni Huria i, na ro sian pangarantoan laho mangantoi pargolahan i. Ima Amanta Jalongos Sinaga pensiunan Kepala Dinas Perindustrian Provinsi Riau – Pekanbaru (1968). Tibu do dapot hadengganon / hasadaon ni roha di Huria i.

Parngoluonni huria (haringgason) maju mundur do, baik di bidang Diakoni Sosial, Zending, dohot angka na hombar tusi. Tarlumobi ma di jaman namubauba on. Laos songoni do dohot parngoluonni seksi-seksi pe, holan seksi sikkola minggu dohot punguan ina do na boi tongtong mardalan.

Ianggo Punguan NHKBP dohot Remaja mate mangolu do. Satongkin tubu satongkin mate, alani angka na maos marganti, isarani namarhasohotan dohot melanjut sekolah. Diusahahon parhalado i do nian mambahen angka kegiatan-kegiatan isarani Drama, Study Bible, di ganup-ganup punguan istimewa ma tu punguan Remaja / parguru laho manghatindangkon haporseaon, marhite i nian dalan laho patandahon Hatani Debata.




F. Penutup

Songon i ma sejarah ni Huria HKBP Hatoguan na boi pinapungu sian mulai adong buku tingting di huria tamba ni angka sejarah na ni gali sian angka natuatua naung gabe ruas ni Huria on sian dung mulai jongjong Huria HKBP Hatoguan.

Diposkan oleh di
Label:

4 komentar:

Langganan: Posting Komentar (Atom)